هاني ابوريدة يتحدث ( ينهار أبيض يا جماعة! طريق مرعب بكل المقاييس )

 كتب طارق فتحي عمار 

ينهار أبيض يا جماعة! طريق مرعب بكل المقاييس.

حسام حسن مطلوب منه يواجه عتاولة القارة واحد ورا التاني ويكسب من غير أي شماعة أو مبررات.

كل الدعم لمنتخب مصر… إن شاء الله قدها، ودايمًا قدها.

تخيل بس السيناريو: تعدي من بنين بإذن الله، تلاقي كوت ديفوار مباشرة… فاينال مبكر بمعنى الكلمة، وممكن يكون في نص النهائي!

ولو عديت من هناك، الاحتمال الأكبر إنك تصطدم بالسنغال. رعب حقيقي.

يعني كأنك بتلعب نهائيين قبل ما توصل للنهائي نفسه!

والأدهى إن النهائي ممكن يكون قدام المغرب أو الجزائر أو نيجيريا… كلهم مرشحين أصلاً للقب.

بصراحة، دي من أصعب البطولات كمشوار، لأن أغلب الفرق دي على الورق كأداء وأسماء لاعبين أعلى مننا.

كل الدعم يا حسام حسن.

والله لو قدرت تعملها، تبقى أسطورة حقيقية، والتاريخ عمره ما هينسى اللي عملته.

من وجهة نظري، المشوار ده أصعب من بطولات كتير إحنا كسبناها